ଆମ ବିଷୟରେ

👋 ଭାଇମାନେ, ବନ୍ଧୁମାନେ!

ମୁଁ ଏକ B.Tech graduate (Electrical and Computer Engineering) ଅଟେ। ପଢ଼ା ଶେଷ କରିବା ପରେ, ମୁଁ ଆମ ପରିବାରିକ ବ୍ୟବସାୟକୁ ସହଯୋଗ କରିବାକୁ ଆଗେଇଲି ଏବଂ ମୋ ଟେକ୍ନିକାଲ୍ ଦକ୍ଷତା ଦ୍ୱାରା ବ୍ୟବସାୟକୁ ଆଧୁନିକ ଭାବରେ ଉନ୍ନତ କରିଲି।

କିନ୍ତୁ ଏହି ସମସ୍ତର ମଧ୍ୟରେ ଗୋଟିଏ ଜିନିଷ ମୋ ମନରେ ଅନେକ ଗଭୀର ଭାବରେ ବସିଗଲା — କଲେଜ୍ ସମୟରେ ଯେଉଁବେଳେ ମୁଁ ପ୍ରୋଗ୍ରାମିଂ ଶିଖୁଥିଲି, ଓଡ଼ିଆ ଭାଷାରେ କୌଣସି ଭଲ ଶିକ୍ଷା ସାମଗ୍ରୀ ମିଳୁନଥିଲା। ସବୁଠି ଇଂରାଜୀ ଭିତରେ ହେଉଥିଲା। ଆଉ ସତ କଥା କହିବି, ନିଜ ମାତୃ ଭାଷାରେ ଶିଖିଲେ ଯେତେ ଦ୍ରୁତ ଏବଂ ଭଲ ବୁଝିପାରୁ, ତାହା କୌଣସି ଦ୍ୱିତୀୟ ଭାଷାରେ ହୁଏନି।

ଭାଷା କେବଳ କଥାବାର୍ତ୍ତା ପାଇଁ ନୁହେଁ, ଶିକ୍ଷାର ମୂଳ ଆଧାର। ଯେତେବେଳେ ଆମେ ନିଜ ଭାଷାରେ ପଢ଼ୁଛୁ, ଆମେ ଦ୍ରୁତ ବୁଝୁ, ଗଭୀର ଭାବେ ଗ୍ରହଣ କରୁ, ଆଉ ଆତ୍ମବିଶ୍ୱାସ ବଢ଼ିଥାଏ। ଏହିକଥା ମନେ ପକାଇ, ମୁଁ ଭାବିଲି ଯେ, ମୋ ପରେ ଆସୁଥିବା ଛାତ୍ରଛାତ୍ରୀମାନେ ମଧ୍ୟ ଏହି ସମସ୍ୟା ସହ ଲଢ଼ୁଥିବେ। ତେଣୁ, ଏହି ଭିତରୁ ଜନ୍ମ ହେଲା ଏହି ମଞ୍ଚର — ଯେଉଁଠାରେ ଆମେ ଓଡ଼ିଆରେ ପ୍ରୋଗ୍ରାମିଂ ଶିଖିପାରିବା।

ଆଉ ଏଠାରେ ଆପଣଙ୍କୁ ହଜାର ହଜାର ଟଙ୍କା ଖର୍ଚ୍ଚ କରି କୋର୍ସ କିଣିବାକୁ ପଡ଼ିବ ନାହିଁ। ଏଠି ଆମ ଲକ୍ଷ୍ୟ ହେଉଛି — ସହଜ ଭାଷାରେ, ସହଜ ଢଂଗରେ, ମୁଫ୍ତ ଭାବରେ ଶିଖିପାଇଁ ସାହାଯ୍ୟ କରିବା।

ମୁଁ ଆଶା କରେ, ଏହି ଛୋଟ ପ୍ରୟାସ ଆପଣଙ୍କ ଲର୍ଣ୍ଣିଂ ଯାତ୍ରାରେ ଏକ ଭଲ ଗତି ଦେବ। ଆପଣମାନେ ଭଲ ଶିଖନ୍ତୁ, ସ୍ବପ୍ନ ସାକାର କରନ୍ତୁ!

ମୋର ସୁଭେଚ୍ଛା ଓ ଶୁଭକାମନା ! 🚀